Contacta connosco no mail bibliotecatrazo@yahoo.es



martes, 25 de setembro de 2012

Chove pra que eu soñe...



Caen as follas...
sinto unha cousa
que se apousa en min e non me toca.

E chove pra que eu soñe, pra que eu soñe,
fala a tarde baixiño.
 
(Uxío Novoneyra)
 

Vídeo de «Carapuchiña e o Pobo Feroz», curtametraxe baseada nun relato de Males de cabeza, de Fran Alonso


Males de cabeza é un libro de relatos de Fran Alonso que se atopa na listaxe de lecturas para o noso alumnado de 4º da ESO na materia de Lingua e Literatura Galega. Na bitácora de Xerais, editora do volume, infórmanos que xa se pode visionar unha curtametraxe baseada nun dos relatos que fan parte do libro.
Velaquí a anotación que realizan no blogue de Xerais:
«Xa se pode ver na rede o vídeo de Carapuchiña e o pobo feroz, curtametraxe producida por Que conto producións baseada nun relato co mesmo título de Males de cabeza, de Fran Alonso. A película, que logrou o Sacho de Ouro á mellor curta no Festival Curtello 2011, está dirixida por José Araújo e protagonizada por Toni Salgado (lobo) e María Roja (Carapuchiña), Gloria Sampedro (avoa), Nani Matos (pai), Graciela Riobó (bruxa), Antonio Barreiro e Alberto Ardid. Na páxina de Que conto producións en Vimeo poden verse tamén as versión dobradas ao italiano, ao inglés, ao francés e ao castelán».
E aquí o resumo que aparece en Vimeo:
«O Lobo vive só nos bosques. Hai tempo que non ten unha manada coa que estar, e considera que xa é o momento de compartir a súa vida con alguén. Un día coñece a Carapuchiña, unha fermosa rapaza filla dun rico terratenente. Fan moi boas migas, e empezan a pasar moito tempo xuntos.
O que parecía unha relación soñada, vaise converter para o Lobo nun pesadelo cunhas consecuencias fatais
».

sábado, 15 de setembro de 2012

TIC, TAC, TIC, TAC.....

 
 
Pois hoxe sábado facemos un 2x1 de entradas no blog e entramos con alegría e ánimo na conta atrás...tic, tac, tic, tac....
 
Pouco a pouco, imos reactivando este blog, que retoma a súa habitual actividade convosco como protagonistas e destinatari@s de todo o q aquí colgamos. 
 
Imos tamén reactivando o noso foro sobre Igualdade de xénero (en dereitos e oportunidades). Estes días temos escoitado unha interesante reflexión. O contrario da igualdade é a desigualdade, non a diferencia. É evidente que homes e mulleres somos diversos e/ou diferentes, pero entendemos que non deberiamos selo en dereitos e/ou oportunidades. Aí vola deixo para pensar....
 
 
 
 
E se vos interesan estes temas, e debatir, compartir opinións, escoitar que pensan @s compañeir@s e @s profes... están recén abertas dúas novas seccións que esperamos que vos gusten e vos animen a comentar e compartir:
 
- Sección 3: É amor ou non é amor?
 
   Tentaremos ir debullando eses comportamentos, símbolos, actuacións, frases que se din....para profundizar neles á procura de descubrir se son mostras de amor verdadeiro ou agochan trampas.
 
- Sección 4: Un pasiño cara adiante e un pasiño cara atrás
 
Comentamos aquí novas, vídeos, imaxes...que nos permiten ver como estamos a dar pasiños cara ao "igualismo", pero tamén se dan pasiños cara á inxustiza da desigualdade de dereitos e oportunidades.
 
Todo isto e máis, aquí:
 

O "absurdo" inicio de curso

Visto en Facebook (Andrés Faro)

sábado, 8 de setembro de 2012

Reunión de lector@s

O curso pasado participamos nun encontro de participantes de clubes de lectura, tanto profesorado como alumnado. Como a invitación foi imprevista, non demos animado ao alumnado a participar. Agardamos que este ano sexa todo máis doado. Aquí vos deixamos un artigo do poeta Carlos Negro, que participou tamén neste encontro, e fai unha crónica do alí se viviu.

http://www.sermosgaliza.com//opinion/carlos-negro/o-pais-dos-papalibros-sobre-os-v-encontros-de-clubs-de-lectura/20120614221421002323.html