FALANDO DE PORTUGAL, DE LIBRERÍAS E DE HARRY POTTER

Se a maxia existe,  parte dela atópase na libraría Lello, en Porto. De feito, cando a autora dos libros de Harry Potter, J. K. Rowling  visitou Porto, quedou fascinada con esta libraría e serviulle de inspiración para ambientar algunhas das escenas na  biblioteca de Hogwarts.  Moitas persoas din que algunhas das escenas da película filmáronse nela, pero eu non sei se forma parte do encantamento.

É pequena, pero o seu feitizo pode atraparte por moito tempo.  Está considerada unha das librerías máis bonitas do mundo.

Mirade os vídeos da librería e  dunha escena da película de Harry Potter e deixádevos  cativar.

Vídeos vistos no Youtube

Recomendación dende Portugal: cinco librerías que debemos visitar antes de morrer

Curioseando pola rede, atopamos este blog en portugués con artigos interesantes sobre o mundo dos libros. Aquí vos enlazamos para que curioseedes...

O portugués, unha xanela aberta ao mundo

Dende hai un par de días podemos botar un ollo á literatura en lingua portuguesa nos pasillos do instituto. Decidimos airear os libros en portugués dos que dispoñemos, para celebrar unha novidade/experimento que botamos a andar no Club de lectura: unha, ou máis ben dúas, lecturas nesta lingua que é, ou case, a nosa. Seis atrevidas chicas de 3º e 4º de ESO conforman este club e van ser as pioneiras do que pretendemos sexa unha continuidade nos vindeiros anos. (Abaixo á dereita podedes ver o que estamos a ler, pinchando encima das portadas dos libros.) 

Queremos agradecer a tod@s @s moz@s voluntarios que nos axudaron este martes a última hora a montar esta mostra, @s da foto. A exposición pretende ser un ánimo para que botedes un ollo  aos escritos nesta lingua, coa intención de descubrir que resulta máis sinxela do que pensabamos. Así nos está a suceder a nós.

Tal día coma hoxe...

...triunfaba en Portugal a  "Revolución dos cravos"


(A ver se nos lembramos das cousiñas aprendidas no curso acelerado de portugués, recibido este curso, para entender o audio do vídeo. Xa contaredes...)

Vídeo visto no Youtube