Unha nova entrega no noso recuncho de realización youtubeira, velaquí o Book tráiler da novela A balada dos unicornios, de Ledicia Costas, con ilustracións de Mónica Armiño (Xerais, 2018). Realización youtubeira: Sara Gómez García, 2º ESO, CPI Viaño Pequeno (Trazo)
Unha nova entrega no noso recuncho de realización youtubeira, velaquí o Book tráiler da novela Cartas de inverno, de Agustín Fernández Paz (col. Fóra de Xogo. Xerais, 1995, 40ª edición 2018). Realización youtubeira: Ainhoa González Iglesias, 2º ESO, CPI Viaño Pequeno (Trazo)
A viaxe de Gagarin. Agustín Fernández Paz. Xerais
A novela a min encantoume porque gústame moito todo o que teña que ver co Universo.
Este libro é un dos que máis me gustou de Agustín Fernández Paz porque se centra nunha época histórica e non nunha novela infantil ou xuvenil. Grazas a el podemos entender mellora a situación de España na época franquista e saber como podía vivir unha familia, e poder poñernos na súa pel.
O que máis me gustou do libro é, que ademais de contarnos a historia de Miguel, ensina datos sobre as primeiras viaxes espaciais e os primeiros cosmonautas, tanto de Gagarin como de Neil Armstrong.
A miña personaxe favorita é Miguel, xa que afronta a situación familiar con moita madurez, para a súa curta idade. As personaxes que menos me gustaron foron os propios pais de Miguel, por ocultarlle ao seu fillo o que facían.
Eu ao libro cambiaríalle o final porque gustaríame que a historia de amor entre Miguel e Francesca continuara.
O vocabulario deste libro era bastante doado e entendino todo moi ben.
En xeral este libro gustoume moito, e seguramente o volva a ler dentro duns anos.
Ana Señarís Veiras (4º ESO)
A esmorga. Eduardo Blanco Amor. Galaxia
A esmorga foi unha novela escrita por Eduardo Blanco Amor. Paréceme un libro moi interesante, que conta unha historia moi apaixonante sobre estos tres personaxes:
Milhomes é un personaxe folgazán que ten unha vida moi pobre que pensa en vivir a vida día a día e non pensar no futuro, el é homosexual, o que ten unha gran importancia na obra.
Outro personaxe sería Castizo, un home parecido a Milhomes, el non era homosexual pero pensaba de maneira parecida, como todos, viste de maneira pobre.
Por último, O Bocas, o personaxe que conta a historia e tamén o meu preferido. É un personaxe que “ten máis cabeza” porque pensa na súa familia e tamén comparte o seu medo e temor.
Este libro conta unha historia que pode ocorrer na vida real, paréceme que conta unha historia da que se poden aprender moitas cousas como pensar as cousas “dúas veces” antes de facelas.
A novela está ben situada na súa época, mais se tivera que facer algún cambio sería poñer un vocabulario máis sinxelo e arranxaría o final, pois o seu final non me acabou de convencer. Gustaríame que os personaxes estiveran vivos.
Darío Sánchez Liste (4º ESO)
Unha nova entrega no noso recuncho de realización youtubeira, velaquí o Book tráiler da novela Trece anos de Branca, de Agustín Fernández Paz (col. Periscopio. Rodeira - Edebé, 1994). Realización youtubeira: Noelia Martínez Rodríguez, 1º ESO, CPI Viaño Pequeno (Trazo)
Unha nova entrega no noso recuncho de realización youtubeira, velaquí o Book tráiler da novela A vaca caníbal, de Marilar Aleixandre (col. Árbore. Galaxia, 2012). Realización youtubeira: Manuel Pardal Noya, 1º ESO, CPI Viaño Pequeno (Trazo)
