HOXE: Un obxecto luminoso está a avanzar a gran velocidade no ceo

Por Juan Ramón Gallástegui Otero (profe de Física e Química)

Hoxe venres 15 de febreiro de 2013, visítanos un asteroide. Este asteroide, duns 50 m de diámetro,  pasará relativamente cerca da Terra, a uns 30 000 km (os satélites da TV están a 36 000 km)

 Teremos pois a posibilidade de observar un fenómeno pouco frecuente.

No seguinte gráfico (Gráfico NASA / JPL / NEO Program Office / S&T) pódese comparar a distancia á que pasará o asteroide coa órbita dos satélites de comunicacións

Imaxe vista en  http://thewatchers.adorraeli.com

Poderase ver con axuda duns prismáticos. Consellos para poder velo:

• Situarse nun lugar no que se vexa o horizonte norte- leste.

• Que estes oscuro e sen contaminación lumínica.

• Só podemos ver o asteroide mentres se afasta de nos na súa traxectoria. Por iso, será máis brillante ao aparecer sobre o  horizonte, perdendo brillo co paso do tempo.

• A observación con prismáticos é recomendable durante a primeira hora de visibilidade. A medida que se afaste y se faga máis feble suxerimos apuntar cun telescopio a unha zona do cielo pola que se sepa que vai  pasar  e esperar o seu paso.
• O asteroide pasará aproximadamente dende a dereita da cola da Osa Maior cara a estrela polar. 
•  Non se verá como un pedrusco lanzado ao aire. O meteorito será percibido como un obxecto luminoso que avanza a gran velocidade no ceo. Como unha estrela fugaz, pero que neste caso ao ser observada cos prismáticos non se apagará ata que saia do  alcance dos mesmos.

.

Este é o mapa para facer a observación do asteroide dende Santiago (nas proximidades os datos serán parecidos), tomado da web  http://heavens-above.com