Book tráiler (LXXXVII): Iridium, de Francisco Castro. Realizado por Valeria Grela Bello

 

Unha nova entrega no noso recuncho de realización youtubeira, velaquí o Book tráiler da novela Iridium, de Francisco Castro (col. Costa Oeste. Galaxia, 2018). Realización youtubeira: Valeria Grela Bello, 3º ESO, CPI Viaño Pequeno (Trazo) 

 

Book tráiler (LXXXVI): Matilda, de Roald Dahl. Realizado por Lidia González Rey

 

Unha nova entrega no noso recuncho de realización youtubeira, velaquí o Book tráiler da novela Matilda, de Roald Dahl, tradución de X. Miguel Barros (Oqueleo, 2017). Realización youtubeira: Lidia González Rey, 2º ESO, CPI Viaño Pequeno (Trazo)

 

Andel de Libros (XXXII): A soidade do asasino, de Carlos G. Reigosa

 

 

A soidade do asasino. Carlos G. Reigosa. Xerais

O momento máis importante do libro para min foi cando Claudio descubriu quen o ordeara matar, xa que era a maior intriga que el tiña e case toda a conversación que ten con Víctor básease en descubrir iso.

O tema desta historia a min persoalmente gustoume moito, xa que paréceme emocionante, porque cando o les estás seguido pensando en se ao final Claudio morrerá. Ademais gústanme moito as historias de asasinatos e secuestros.

Este libro paréceme fácil de ler, ten vocabulario sinxelo, e está redactado dunha maneira que engancha. Eu o único cambio que lle faría sería meter máis persoaxes a falar, como por exemplo a muller de Claudio, xa que ao longo da historia falan moito dela, e así poderíase coñecer a súa versión de todo o que pasou con Nazario. Polo demais eu non lle faría ningún cambio máis.

O meu personaxe favorito é Víctor, xa que a pesar de ser un sicario experto sen case ningún sentimento, ten algo que te fai chamar a atención, el ve a vida dun xeito moito máis simple que o resto das persoas, á morte non lle dá importancia ningunha, pois é unha cousa que ten que suceder si ou si.

Na miña opinión, se che gustan os libros emocionantes e de misterio, este libro recoméndocho ler.

Lucía Grela Seoana (4º ESO)

 

Andel de Libros (XXXI): Voaxa e Carmín, de Esther F. Carrodeguas

 

Voaxae Carmín. Esther F. Carrodeguas. Difusora de Letras, Artes e Ideas

A min persoalmente o libro teatral Voaxa e Carmín escrito por Esther Fernández Carrodeguas, gustoume moito, tanto os personaxes e o seu desenvolvemento ao longo da historia como a maneira na que está escrita a obra. O feito de que esta historia fale de “as dúas Marías” fixo que me gustase moito máis, xa que as coñezo dende que era moi cativa por ilas visitar á Alameda de Santiago de Compostela xunto a miña avoa.

Tamén teño que admitir que ao principio non comprendía a trama da historia pero segundo a fun lendo funme enganchando e entendéndoa.

A miña personaxe preferida sen dúbida algunha é Coralia, xa que ao igual que ela eu tamén son a irmá pequena, por non falar de que admiro a súa valentía para enfrontarse nun determinado momento a súa irmá maior.

O meu momento preferido da obra foi cando Coralia, borracha, lle dixo a súa irmá todo o que pensaba acerca de ter que vivir sempre facendo a mesma rutina, que ela quería vivir novas aventuras entre elas ir visitar o mar por primeira vez na súa vida.

Respecto ao final da historia, teríame gustado que tivese un final máis emocionante e non un final aberto xa que este deixa moito que imaxinar e non nos concreta que pasou con elas finalmente. Pareceume unha forma de escribir fácil de ler e de comprender.

A min este libro fixome rir en moitas escenas, polo que se vos gustan os libros de comedia, recoméndovos que o leades.

Raquel Dafonte Rodríguez (4º ESO)

Book tráiler (LXXXV): O álbum de Garrincha, de Beatriz Maceda Abeleira. Realizado por Nicolás Marzoa Sendón

 

Unha nova entrega no noso recuncho de realización youtubeira, velaquí o Book tráiler da novela O álbum de Garrincha, de Beatriz Maceda Abeleira (col. Árbore. Galaxia, 2015). Realización youtubeira: Nicolás Marzoa Sendón, 1º ESO, CPI Viaño Pequeno (Trazo) 

 

 

Book tráiler (LXXXIV): Escarlatina, a cociñeira defunta, de Ledicia Costas. Realizado por Gabriela Caneda Baelo

 

Unha nova entrega no noso recuncho de realización youtubeira, velaquí o Book tráiler da novela Escarlatina, a cociñeira defunta, de Ledicia Costas, con ilustracións de Víctor Rivas (col. Merlín. Xerais, 2014). Realización youtubeira: Gabriela Caneda Baelo, 1º ESO, CPI Viaño Pequeno (Trazo)

 

Book tráiler (LXXXIII): Plan de rescate, de Antía Yáñez. Realizado por Sofía Dafonte Pazos

 

Unha nova entrega no noso recuncho de realización youtubeira, velaquí o Book tráiler da novela Plan de rescate, de Antía Yáñez, con ilustracións de Xiana Teimoy (Xerais, 2020). Realización youtubeira: Sofía Dafonte Pazos, 1º ESO, CPI Viaño Pequeno (Trazo)

 

Book tráiler (LXXXII): Tam, de Anémona de Río. Realizado por Ariadna Hernández Bautis

 

Unha nova entrega no noso recuncho de realización youtubeira, velaquí o Book tráiler da banda deseñada Tam, de Anémona de Río (Retranca Editora, 2017). Realización youtubeira: Ariadna Hernández Bautis, 1º ESO, CPI Viaño Pequeno (Trazo)

 

Book tráiler (LXXXI): O Pazo Baleiro, de Xabier P. DoCampo. Realizado por Lucía Rey Martínez

 

Unha nova entrega no noso recuncho de realización youtubeira, velaquí o Book tráiler da novela O Pazo Baleiro, de Xabier P. DoCampo, con ilustracións de Xosé Cobas (col. Sopa de Libros. Xerais, 2002). Realización youtubeira: Lucía Rey Martínez, 2º ESO, CPI Viaño Pequeno (Trazo)

 

Andel de Libros (XXX): Os nenos da varíola, de María Solar

Os nenos da varíola. María Solar. Galaxia 

Este libro titulado Os nenos da varíola encantoume, xa que fala dun tema moi interesante sobre a nosa historia dunha forma discreta e para nada pesada, ao contrario faise unha lectura moi levadeira polo entretida que é a historia que nos conta María Solar. 

Aínda que foi unha época complicada pola enfermidade, xa que supuxo unha gran cantidade de mortes, paréceme que a novela soubo redactar o máis importante sobre ese tema e transformalo en forma dunha historia que calquera poida entender e desfrutar dela.

Gustoume moito como se desenvolveu a narración en xeral, pero o que realmente me enganchou ao comezo do libro foi a historia de Candela e Ezequiel. Xa que estás constantemente pendente de que se poidan reencontrar dunha vez. Cando o fan, ó final do libro, gustaríame ter visto máis contidos sobre como continuou a súa historia, e como foi ese seu reencontro, pero chegoume con saber que tiveron un merecido final.

Tamén hai outros personaxes cunha gran historia detrás, por exemplo, Clemente que aínda que é un personaxe secundario, fíxoseme moi riquiño e gustaríame que tivese un final no que acabe ben. E a outra personaxe é Isabel, unha muller digna de admirar, xa que é unha muller forte e traballadora, xa non só polo seu posto de traballo, o cal ten moito mérito, senón por todo o que facía día a día para levar adiante o hospicio.

Pareceume un libro moi fácil de ler e, repito, moi entretido. O que máis me gustou do libro foron os personaxes e o desenvolvemento da historia.

Victoria Domínguez Marinho (3º ESO A)

 

Eu penso, que o libro, aínda que pareza moi extenso e longo, se che gusta o tema da historia ou che interesan as enfermidades, ou como vivían os nenos abandonados desa época, etc…. 

Esta narración pásache rápido e lelo antes de que te decates. En canto ao vocabulario……, poderíase dicir que ten algunha que outra dificultade por palabras que se usaban nesa época e agora non, pero tendo en conta iso, diría que todos o poderíamos ler e entender perfectamente. 

Tamén é verdade que hai algunhas partes do libro en que fala de cousas que despois non teñen que ver coa historia principal, nin inflúen no desenvolvemento da historia, na miña opinión algunhas desas partes poderíase eliminar e ir máis directo á historia principal. 

En canto aos personaxes que máis me gustaron foron Isabel (porque sempre se porta ben cos nenos do hospicio e preocupase por eles e polo seu futuro) e o doutor Posse (porque quere que a xente empece a aceptar que existe unha cura para a varíola, e tamén lle dá traballo a Ezequiel, o que ningún outro máis lle daría). 

Polo resto paréceme un libro excelente, recomendado para lelo e así de paso aprender algo de historia e cultura xeral. 

Simón Varela Baleato (3º ESO B)

Book tráiler (LXXX): Os vellos non deben de namorarse, de Castelao. Realizado por Julio Rodríguez Picallos

 

Unha nova entrega no noso recuncho de realización youtubeira, velaquí o Book tráiler da obra Os vellos non deben de namorarse, de Castelao (col. Biblioteca Castelao. Galaxia, 2014). Realización youtubeira: Julio Rodríguez Picallos, 4º ESO, CPI Viaño Pequeno (Trazo)

 

Andel de Libros (XXIX): Alí Babá, Morxiana e os corenta usureiros, de Marilar Aleixandre

 

 

Alí Babá, Morxiana e os corenta usureiros. Marilar Aleixandre. Galaxia

Este libro gustoume bastante a pesar de ser unha historia fantástica. É unha historia que xa

lera, pero esta versión gustoume máis. Di cousas das que non me lembraba.

É un libro moi fácil de entender e ten un vocabulario comprensible e común.

Para min, o momento máis importante do libro foi cando Morxiana apuñalou o xefe dos

ladróns xa que é alí cando se fai xustiza por toda a xente á que lle roubaron e por Cassim.

A miña personaxe favorita é Morxiana xa que é moi lista e valente. E uns personaxes que

non me gustaron foron Cassim e a súa muller porque eran moi avariciosos e curiosos.

Para min o final é axeitado e non lle buscaría outro, pero o título é moi longo. Eu penso que

con poñerlle "Alí Babá" xa chegaría.

A relación da portada co título é que na portada sae Morxiana, un personaxe moi importante

ao longo do libro, e unhas moedas de ouro coma as que colle Alí Babá na cova dos ladróns.

Laura Noya Sánchez (3º ESO B)

 

Andel de Libros (XXVIII): O lobishome de Candeán, de Paula Carballeira

 

O lobishome de Candeán. Paula Carballeira. Galaxia

O libro trata do asasinato dunha rapaza chamada Elvira. Este asasinato produciuse un sabado á noite cando esta rapaza mais unha amiga chamada Silvia estaban de festa. Elvira marchou para o monte cun rapaz e non volveu á casa. Ao día seguinte atopárona morta e comesta polos lobos no monte de Candeán.

Esta novela aínda que trata un tema algo forte gustoume, xa que a autora conta a historia dunha forma que te engancha, e unha vez que comezas a ler o libro non podes parar ata acabalo.

Neste libro aparecen moitos personaxes, baixo o meu punto de vista os máis importantes son os seguintes: Elvira, xa que é a rapaza que morre asasinada; o lobishome, xa que é o protagonista, é quen mata á rapaza; o policía Manuel, xa que participou moito no arresto do lobishome, e a señora Balbina, xa que lle axudou moito ao policía Manuel coa investigación. Á parte igual que Manuel ten moitas intervencións na historia, sobre todo no desenlace.

Samuel Grela Seoane (3º ESO B)

 

Andel de Libros (XXVII): Os vellos non deben de namorarse, de Castelao

 

Os vellos non deben de namorarse. Castelao. Galaxia

A min esta obra teatral Os vellos non deben de namorarse pareceume un libro moi interesante, emocionante e divertido de ler, xa que me rin moito con algunhas escenas.

Os meus personaxes favoritos foron os tres vellos porque parecéronme moi divertidos.

O momento que me máis me gustou foi cando os tres vellos acabaron xuntándose no cemiterio para dialogar da súa vida que tiveron.

Outra escena que tamén me gustou moito foi cando o primeiro vello fala coa morte en persoa e a última escena cómica que máis me encantou foi cando no segundo lance Don Ramón enfróntase aos seus pais.

O final da peza pareceume moi axeitado e a linguaxe desta obra é moi fácil de entender.

Eu recomendaría ler este libro teatral porque con el apréndese tamén unha morea de cousas (como era a vida de antes etc…).

Jorge Lavandeira Vilares (4º ESO)

Book tráiler (LXXIX): Os vellos non deben de namorarse, de Castelao. Realizado por Jorge Lavandeira Vilares

 

Unha nova entrega no noso recuncho de realización youtubeira, velaquí o Book tráiler da obra Os vellos non deben de namorarse, de Castelao (col. Biblioteca Castelao. Galaxia, 2014). Realización youtubeira: Jorge Lavandeira Vilares, 4º ESO, CPI Viaño Pequeno (Trazo)