Unha nova entrega no noso recuncho de realización youtubeira, velaquí o Book tráiler do libro O lobishome de Candeán, de Paula Carballeira (col. Costa Oeste. Galaxia, 2012). Realización youtubeira: Samuel Grela Seoane, 3º ESO B, CPI Viaño Pequeno (Trazo)
Unha nova entrega no noso recuncho de realización youtubeira, velaquí o Book tráiler da novela Cartas de inverno, de Agustín Fernández Paz, con ilustracións de Antonio Seijas (col. Fóra de Xogo. Xerais, 1995, 40ª edición 2018). Realización youtubeira: Lucía Rey Martínez, 2º ESO, CPI Viaño Pequeno (Trazo)
Anagnórise. María Victoria Moreno. Galaxia
Hoxe vou dar a miña opinión sobre Anagnórise de María Victoria Moreno.
Paréceme un libro moi interesante e que recomendo bastante a súa lectura, non é moi facil de ler, nin de entender, pero considero que é moi entretido. E paréceme que pode chegar a abrirlle os ollos a xente que leva moi boa vida, porque igual hai moita xente que ten boa vida e como a eles non lle falta de nada non pensan en que ao mellor hai xente que si que necesita axuda e que non ten a mesma sorte na vida, pero non por iso non teñen os mesmos dereitos, e así para esa xente pode servirlle para ver outros casos de persoas que hai no mundo.
Creo que é un libro que pode chegar a ser moi realista e que haxa xente que se sinta identificado con el e co que conta, e pode chegar a serville de apoio en moitos momentos.
O protagonista para min é o meu personaxe favorito, xa que non ten problema en contar cousas que non estamos acostumados a falar delas, nin a escoitar cousas deses temas, xa que son moi tabús, pero ainda así el contounos sen ningún tipo de problema, e tamén me parece un rapaz moi forte para a pouca idade que ten, e que esté só.
Recomendo moito lelo, paréceme unha historia moi bonita.
Zaira Antelo Iglesias (3º ESO A)
Este libro non me gustou moito, xa que ten contidos moi variados e hai moitos acontecementos e ás veces parece que te perdes. Ademais ao principio é moi difícil de entender, non ten un vocabulario sinxelo e sobre todo polo tema de que trata moitos argumentos en poucas páxinas.
Por outra parte o mellor momento do libro para min foi cando Nicolao se atopou con Natalia, aínda que dese anaco foi o único que me gustou. Porque aí foi cando Xulia morrera e aínda por riba de ter acompañado a Nicolao a Madrid morre. Sen contar o principio sería o único anaco que eliminaría do libro. Poríalle outro final máis ledo e cambiaria a transición de espazos que hai durante o libro.
Non creo que o recomendase xa que ademais de non ser un libro doado é bastante longo e cústache lelo. O tema gustoume e o asunto do que trata está ben argumentado e paréceme divertido. O que non me gustou foi a maneira que tivo María Victoria Moreno de contar esta historia e de expoñela aos lectores / lectoras.
Antía Bello Liñares (3º ESO A)
Este libro gustoume bastante xa que fala sobre un rapaz de 17 anos que quere marchar a Madrid porque ten moitos problemas.
O momento que me pareceu máis interesante foi cando Xulia e Nicolau chegan a Madrid e téñense que separar, porque despois decide ir buscar a Xulia e dende ese momento descobre moitas cousas. Tamén un momento que me gustou moito foi cando se desafogou dicíndolle a Xulia todo o que lle pasou.
O tema é moi interesante e emocionante porque Xulia e Nicolau mentres estiveron de camiño a Madrid crearon unha amizade moi bonita.
Eu non faría ningún cambio de ningún tipo xa que penso que a historia desenvólvese de xeito acertado e que tiña que rematar da maneira que o fixo. O final encantoume polo encontro que tiveron Natalia e Nicolau.
O libro pareceume fácil de entender e non ten palabras moi complicadas polo que facilita a hora de ler.
Ainhoa González Iglesias (3º ESO A)
A min este libro pareceume bastante entretido xa que che ensina, que aínda que as persoas non se coñezan de nada poden acabar sendo moi bos amigos. Ademais ten un vocabulario moi axeitado para as/os adolescentes, pero creo que tamén as rapazas e os rapaces algo máis cativos o entendería bastante ben.
Gustoume bastante xa que che ensina bastantes cousas e non é nada aburrido, a pesar de que a miña primeira impresión foi que sería aburrido porque case toda a historia sucede dentro dun coche.
O meu personaxe preferido é Xulia, porque ela foi a única que lle axudou a Nicolau e o levou a Madrid sen coñecelo de nada, tamén lle botou unha man cando Nicolau se sentiu mal e empezou a chorar.
Practicamente todos os personaxes me gustaron, non hai ningún que me parecera un aburrido.
Eu a este libro non lle cambiaría nada, e por suposto recoméndovos moito ler este libro, seguro que non vos ides arrepentir.
Nerea Sánchez Castro (3º ESO B)
Unha nova entrega no noso recuncho de realización youtubeira, velaquí o Book tráiler da novela Matilda, de Roald Dahl, tradución de X. Miguel Barros (Oqueleo, 2017). Realización youtubeira: Cristina García Regueiro, 2º ESO, CPI Viaño Pequeno (Trazo)
Unha nova entrega no noso recuncho de realización youtubeira, velaquí o Book tráiler da banda deseñada Tam, de Anémona de Río (Retranca Editora, 2017). Realización youtubeira: Lucía Sánchez Couselo, 1º ESO, CPI Viaño Pequeno (Trazo)
Unha nova entrega no noso recuncho de realización youtubeira, velaquí o Book tráiler da obra Atranco no banco, de Manuel Núñez Singala (col. Costa Oeste. Galaxia, 2019). Realización youtubeira: Irene Iglesias Domínguez, 4º ESO, CPI Viaño Pequeno (Trazo)
O relato “A ermida do diaño“ é contado desde a perspectiva dun viaxeiro da cidade que vai a unha aldea que está preto do mar. Este viaxeiro foi á taberna da aldea e alí escoitou falar dunha ermida á que lle chamaban a ermida do diaño. E este home preguntáballe aos habitantes desa aldea por esa ermida, pero eles non querían falar dela. Ao longo da historia trata de averiguar que misterios agocha a ermida.
No libro aparecen moitos personaxes como o son o viaxeiro, Toxomanso, o propietario do bar, a camareira do bar, o cura… O protagonista da historia é o viaxeiro, os demais son personaxes secundarios. Toxomanso é un home que estaba seguido na taberna da aldea, borracho, e o cura é a única persona que lle axudou ao viaxeiro a descubrir o misterio da ermida. O meu personaxe preferido foi o viaxeiro, e o que menos me gustou foi Toxomanso.
A
verdade é que este libro non me gustou moito, xa que para o meu gusto
a historia cóntase de maneira moi desordenada. Á parte tamén hai
moitas palabras que non entendo.
Samuel Grela Seoane (3º ESO B)
Iridium. Francisco Castro. Galaxia
A min, persoalmente, este libro gustoume moito, xa que trata dun tema algo delicado de contar, fálanos das complicacións que ten unha nena chamada Iris coa súa enfermidade, e dinos algúns dos acontecementos que lle suceden ao longo deste proceso.
Penso que ten un argumento flexible e que calquera persoa de calquera idade o podería entender, xa que o seu vocabulario non é difícil.
O mellor momento do libro para min foi cando Iris desmentiu o misterio do iPhone de Chechu, pois podo imaxinarme a cara que lle quedou cando viu que a moza coa que saíra lle collese o móbil e descubrise que el lle fora infiel.
Houbo un momento que non me gustou nada, que foi cando Chechu trata mal a Iris e lle di esas cousas.
No meu parecer o final é moi aberto, xa que, non sabes que pasou coa moza e Mario. Gustaríame que houbese un final máis pechado porque agora deixoume coa intriga de saber que pasou entre eses dous.
Eu recomendaría o libro, ten un vocabulario sinxelo e é bastante drástico, aínda que á parte diso é moi divertido.
Antía Bello Liñares (3º ESO A)
A min este libro de Francisco Castro gustoume bastante polo entretido e gracioso que é. Usa expresións que empregamos nós mesmos na nosa idade e por iso se me fixo un libro moi fácil de ler, coma se estivera a falar cunha amiga.
Iris é unha rapaza que tivo un accidente e que espertou cun Dano Cerebral Adquirido (DCA), isto cambioulle a vida, xa que terá que volver aprender a facer moitas tarefas da vida cotiá.
Iris ten unha gran personalidade, é moi forte e independente mais ela o único que quere é que a traten normal, coma se fose unha adolescente máis. E iso só lle ocorre con Mario, un amigo dende a infancia, iso mesmo fai que el esperte sentimentos amorosos nela e que proximamente sexan mutuos. Mais un dos grandes problemas é a exparella de Iris, Chechu, un rapaz consentido, choromicas e que só quere chamar a atención.
Aínda que non o pareza, pola brevidade e comedia desta novela, en realidade hai moito que pensar e reflexionar, ademais de que o libro é moi actual. Moi relacionado coas redes sociais, coa imaxe, coa sociedade e coa imaxe que proxectamos nos demais. Un tema que temos moi presente na actualidade e que é moi interesante.
Para rematar comento que o libro en si é moi curto, lese moi rápido e ensínanos moito concentrado en poucas palabras.
Victoria Domínguez Marinho (3º ESO A)
Foi un libro que a min persoalmente me gustou bastante xa que ten unha historia moi bonita, e sobre todo conta unha historia moi realista xa que hai xente a diario que lle pasou o que lle pasou a Iris, e os seus personaxes encantáronme.
Para min o momento máis importante desta narración foi cando Iris ten o accidente e queda en coma varios meses xa que a partir desa escena a historia cambia radicalmente.
A min o personaxe que máis me gustou foi Iris xa que é unha rapaza moi lista e intelixente, e ademais é moi boa persoa, e o que me gustou moito dela foi a forza de vontade para intentar recuperarse do tráxico accidente que tivo.
Unha personaxe que tamén me gustou moito foi a mellor amiga de Iris, porque a apoiou coa precaria situación na que vivía Iris.
Ademais ten unha lingua moi doada de ler e enténdese moi ben. Por todo iso llo recomendo a todo o mundo.
Íker García Brea (3º ESO A)
Iridium gustoume moito xa que me parece moi fácil de ler e tamén era curto.
O que máis me gustou deste libro foi cando decidiron facer unha festa na que estaban convidados todos, porque é cando máis interesante se fixo o libro, tamén porque é onde ocorre o maior conflicto.
O momento que menos me gustou foi cando Iris contaba a súa historia do accidente de tráfico porque daba mágoa, tamén porque debido a iso Iris tivera que aprender a comer, a andar, a falar... Así que tivera que pasar un proceso duro e prolongado.
Os personaxes que aparecen son bos porque tratan a Iris da mesma maneira ca antes, todos menos Chechu. A xente tamén axuda a Iris e fan que o seu proceso sexa máis fácil e ameno.
Eu recomendaría moito este libro porque é fácil, entretido e para xente que lle guste ler é moi curto, tamén é recomendado para calquera persoa xa que ten non ten un léxico complicado.
Valeria Grela Bello (3º ESO B)
Este libro ten dous puntos importantes, un deles é que fala das redes sociais, un tema moi presente na adolescencia, e o outro punto son os conflitos e diferencias que ocorren tamén nesta complicada idade.
Non foi dificil de ler, a pesar dos seus saltos no tempo que fan desconcertarte un pouco, dáse lido ben e fácil.
Ten un contido moi interesante porque conta a felicidade, os dramas, os sustos… dunha rapaza dunha idade importante como é esta, as risas, os choros… todos os seus sentimentos para lograr que empatices con ela, que lle poñas máis interese ao libro e que che guste moito máis, enganchándote tanto que ata que non o acabas non o paras de ler.
Fai que te acabes vendo reflectida na protagonista, a cal que con todos os problemas que tivo seguiu adiante sen renderse.
En resume, un moi bo libro que aconsello a todo o mundo e todas as idades que o lea, xa que nunca é tarde para volver á túa adolescencia.
Carla Lema Domínguez (3º ESO B)
Unha nova entrega no noso recuncho de realización youtubeira, velaquí o Book tráiler da obra A soidade do asasino, de Carlos G. Reigosa (col. Fóra de Xogo. Xerais, 2018). Realización youtubeira: Lucía Grela Seoane, 4º ESO, CPI Viaño Pequeno (Trazo)
Unha nova entrega no noso recuncho de realización youtubeira, velaquí o Book tráiler da novela Iridium, de Francisco Castro (col. Costa Oeste. Galaxia, 2018). Realización youtubeira: Valeria Grela Bello, 3º ESO, CPI Viaño Pequeno (Trazo)
Unha nova entrega no noso recuncho de realización youtubeira, velaquí o Book tráiler da novela Matilda, de Roald Dahl, tradución de X. Miguel Barros (Oqueleo, 2017). Realización youtubeira: Lidia González Rey, 2º ESO, CPI Viaño Pequeno (Trazo)
A soidade do asasino. Carlos G. Reigosa. Xerais
O momento máis importante do libro para min foi cando Claudio descubriu quen o ordeara matar, xa que era a maior intriga que el tiña e case toda a conversación que ten con Víctor básease en descubrir iso.
O tema desta historia a min persoalmente gustoume moito, xa que paréceme emocionante, porque cando o les estás seguido pensando en se ao final Claudio morrerá. Ademais gústanme moito as historias de asasinatos e secuestros.
Este libro paréceme fácil de ler, ten vocabulario sinxelo, e está redactado dunha maneira que engancha. Eu o único cambio que lle faría sería meter máis persoaxes a falar, como por exemplo a muller de Claudio, xa que ao longo da historia falan moito dela, e así poderíase coñecer a súa versión de todo o que pasou con Nazario. Polo demais eu non lle faría ningún cambio máis.
O meu personaxe favorito é Víctor, xa que a pesar de ser un sicario experto sen case ningún sentimento, ten algo que te fai chamar a atención, el ve a vida dun xeito moito máis simple que o resto das persoas, á morte non lle dá importancia ningunha, pois é unha cousa que ten que suceder si ou si.
Na miña opinión, se che gustan os libros emocionantes e de misterio, este libro recoméndocho ler.
Lucía Grela Seoana (4º ESO)
Voaxae Carmín. Esther F. Carrodeguas. Difusora de Letras, Artes e Ideas
A min persoalmente o libro teatral Voaxa e Carmín escrito por Esther Fernández Carrodeguas, gustoume moito, tanto os personaxes e o seu desenvolvemento ao longo da historia como a maneira na que está escrita a obra. O feito de que esta historia fale de “as dúas Marías” fixo que me gustase moito máis, xa que as coñezo dende que era moi cativa por ilas visitar á Alameda de Santiago de Compostela xunto a miña avoa.
Tamén teño que admitir que ao principio non comprendía a trama da historia pero segundo a fun lendo funme enganchando e entendéndoa.
A miña personaxe preferida sen dúbida algunha é Coralia, xa que ao igual que ela eu tamén son a irmá pequena, por non falar de que admiro a súa valentía para enfrontarse nun determinado momento a súa irmá maior.
O meu momento preferido da obra foi cando Coralia, borracha, lle dixo a súa irmá todo o que pensaba acerca de ter que vivir sempre facendo a mesma rutina, que ela quería vivir novas aventuras entre elas ir visitar o mar por primeira vez na súa vida.
Respecto ao final da historia, teríame gustado que tivese un final máis emocionante e non un final aberto xa que este deixa moito que imaxinar e non nos concreta que pasou con elas finalmente. Pareceume unha forma de escribir fácil de ler e de comprender.
A min este libro fixome rir en moitas escenas, polo que se vos gustan os libros de comedia, recoméndovos que o leades.
Raquel Dafonte Rodríguez (4º ESO)
Unha nova entrega no noso recuncho de realización youtubeira, velaquí o Book tráiler da novela O álbum de Garrincha, de Beatriz Maceda Abeleira (col. Árbore. Galaxia, 2015). Realización youtubeira: Nicolás Marzoa Sendón, 1º ESO, CPI Viaño Pequeno (Trazo)
Unha nova entrega no noso recuncho de realización youtubeira, velaquí o Book tráiler da novela Escarlatina, a cociñeira defunta, de Ledicia Costas, con ilustracións de Víctor Rivas (col. Merlín. Xerais, 2014). Realización youtubeira: Gabriela Caneda Baelo, 1º ESO, CPI Viaño Pequeno (Trazo)
