Ruído. Relatos de guerra. Miguel Anxo Murado. Galaxia
A min este libro gustoume porque trata un tema que é o da guerra e a min este tipo de libros sóenme gustar.
A min este libro gustoume porque trata un tema que é o da guerra e a min este tipo de libros sóenme gustar.
É un libro que ten trece relatos e que cada un fala do
mesmo tema pero de forma distinta, a guerra concretamente a guerra de Croacia.
Todos os relatos parecéronme moi interesantes pero o que máis me gustou foi
``Os chatarreiros´´ porque trata un tema que ten moita repercusión no mundo que
é a xente sen recursos e que vive na pobreza.
O problema que lle vexo a este libro é que é dificil de
entender, non moito polo vocabulario senón polas expresións que utilizan e
porque ás veces é complicado saber quen está falando ou sobre quen están
falando pero ainda así é moi entretido e levadeiro de ler.
Non ten moitos personaxes, todo fala sobre os mesmos e
iso a min persoalmente gústame porque dáme a sensación de que se entende mellor
porque se un libro está metendo continuamente personaxes novos ao final non te
enteras do que lle pasa, como está cada un...
José Luís Mirás Otero (4º ESO)
A min persoalmente este libro gustoume, aínda que é un
libro moi triste porque faiche ver a realidade e a tristeza da guerra.
En tódolos relatos está a morte presente, case tódolos
personaxes dos diferentes relatos intentan dalgunha maneira fuxir dela. Tamén
viven co medo no corpo, pensando en ser asasinados ou caer nalgunha das minas
antipersoas.
Tódolos relatos teñen finais tráxicos e dramáticos que
nos fan entender a crúa realidade da guerra.
Este libro tamén te fai ver e entender o comportamento
das persoas en situacións límites.
O libro foime moi bo de ler aínda que hai moitas
siglas e palabras croatas que me confundiron, algún relato tíveno que ler dúas
veces.
Recoméndollo a tódalas persoas que lles gusten os libros baseados na realidade.
Brais Bouzas Leis (4º ESO)
Este libro gustoume porque os
relatos do libro son moi interesantes polas numerosas historias de guerra. Os
relatos que máis me gustaron foron "Francotiradores", "Foogo amigo" e tamén "Grandes
cambios no último minuto".
Os personaxes deste libro son emocionantes polas
vidas dos soldados. O mellor personaxe destes relatos é Hoffamamn porque é un moi listo.
No libro cambiaríalle algúns diálogos por escenas de máis
acción e tamén engadiríalle escenas de
pelexas entre os soldados. Tamén engadiríalle unhas imaxes para explicar como era a guerra nesa época recente.
O
vocabulario destes relatos de guerra é doado de entender, excepto
algunhas palabras que non se entendían porque están en croata e tamén tiña unha
linguaxe culta da guerra.
Ruído. Relatos de guerra é un libro que llo recomendaría ás persoas que lle gustan as obras de acción.
Damián Botana Otero (4º ESO)
Ningún comentario:
Publicar un comentario