Contacta connosco no mail bibliotecatrazo@yahoo.es



viernes, 21 de marzo de 2014

Balda de Libros (XLIII): Os escuros soños de Clío, de Carlos Casares


Os escuros soños de Clío, Carlos Casares, Galaxia

Os escuros soños de Clío é un libro que contén unha historia diferente en cada capítulo. Son curtos. E creo que están relacionados en que todas as historias son de tempos medievais e pretéritos. De feito, na maioría deles, están falando sobre o reinado de Fernando VII e o absolutismo. Das batallas entre os liberais e os absolutistas, que case sempre acababan gañando os absolutistas, é dicir, o rei Fernando VII.

Hai relatos que o tema está moi interesante e que é fácil de ler. En cambio outros, é moi difícil seguir o tema, xa que non se entende gran cousa. De feito, había veces que me daba a sensación que o relato tiña vinte páxinas, tendo cinco ou catro.

Aínda así, o meu profesor de lingua galega afirmoume que este libro era moi fácil de ler, pero xa sabedes, para gustos, cores.

Belén García Lijó (4º ESO)

Balda de Libros (XLII): Papaventos, de Xavier Queipo



Este libro pareceume bastante bo, aínda que senón tivera tantas descricións estaría moitísimo mellor, pero do longas que eran as descricións, había veces que non dabas seguido a lectura.

Na miña opinión é un pouco exótico este libro, porque a min non me interesan os detalles de cómo fan o amor o noso protagonista Francis coa súa noiva Rose. Porque o comezo do libro contén varias páxinas que son todas así, da noite que pasaron no piso de Francis que está á beira do mar.

O que máis me gustou foi o final, porque non te esperabas que Francis morrera afogado nunha praia da súa terra natal, Galicia, e moito menos estando o mar calmo. O libro é bastante fácil de ler pero tamén é algo longo.

Belén García Lijó (4º ESO)