Dende Trazo para o mundo, pasando por Burela

Por fin, por fin, por fiiiiiinnnnnn !!!! podemos escoitar o documento. Colaboramos cos IES de Burela no mes de Marzo, e saímos nun programa de radio chamado Proxecto Neo.

Visto en http://proxectoneo.blogspot.com.es/

Que é iso de Proxecto Neo?

Proxecto Neo é o resultado da colaboración entre Radio Burela e a área de Innovación Educativa do Instituto Perdouro. Está en antena todos os mércores entre as 5 e as 6 da tarde.

O programa Proxecto Neo ten como protagonistas os neofalantes, as fillas e os fillos adoptivos da nosa terra.

Que é iso de neofalante?

NEOFALANTE adx. e subs. Individuo que empeza a expresarse nunha nova lingua, como Rocío Villasenín Bello (4º ESO) cando chegou a Trazo dende Madrid hai catro anos. Ela fala da súa integración aquí, en Trazo.

Para acceder ao enlace do programa de radio, pincha aquí. Podes escoitar a entrevista con Rocío, a partir do minuto sete (en realidade, un chisco antes do minuto sete)

Visto en www.agal-gz.org

Pintamos o noso arredor de cor violeta

O pasado 30 de Abril Uxía, Tamara, Nuria e Sonia participaron no programa "Sumando todas" de Radio Ordes, un programa que pretende poñer un gran de area na loita contra a desigualdade entre mulleres e homes.

É este un tema ante o cal non admitimos desculpas. Ou eres cómplice da desigualdade ou loitas pola xustiza. 

Xunto cun grupo de alumnas do IES Maruxa Mallo de Ordes, entrevistamos a Gemma Lienas, autora de O diario violeta de Carlota, libro interesantísimo que deunos moito que falar este ano no Club de Lectura, e levounos a crear un foro na Aula Virtual do noso centro, onde imos comentando todo o que nos chama a atención dende a nosa mirada violeta. Queremos agradecer especialmente a participación masculina neste foro.(Sabede que gañades puntos entre o sector feminino, un home que desenvolve e amosa sen vergoña a súa sensibilidade vale por dous!!) Queremos escoitar o que pensades e sentides. A igualdade é un traballo en equipo que queremos construir entre tod@s.

Aquí vos recordamos o link do foro

Aquí vos deixamos o link do programa de radio (saimos a partir do minuto 8)

Escoitade que interesante conversa tivemos con Gemma que sabe tanto sobre as relacións de parella e non deixedes de compartir as vosas reflexións e comentarios.

Por certo...alguén sabe o porque desta cor violeta???

Celebramos o Día do libro

23 - 27 de Abril

(semana do libro en secundaria)

Actividades:

·            exposición e obradoiro: curiosidades da escritura

·       * CANDO?  - Semana do libro 

                     (23 – 27 de abril)

·       * Onde?     -  Sala anexa ao    

                    edificio de secundaria

·       * poderá visitarse nos recreos

·            CONCURsO:

“coñece e investiga sobre a cultura e a     

historia na túa biblioteca”

·            roteiro literario en Compostela

“para os membros do club de lectura”

·            encontro coa escritora gemma lienas  en radio ordes

“para as lectoras do club de o

                                 diario violeta de carlota”

Imos á radio

As participantes na lectura conxunta de O Diario Violeta de Carlota, actividade organizada polo Club de Lectura, estamos de noraboa. Fomos convidadas a participar no programa "Sumando todas" de Radio Ordes, no que se lle fará unha entrevista á autora, Gemma Lienas. Participarán tamén membros do Club de Lectura do IES Maruxa Mallo de Ordes, lector@s tamén de O Diario Violeta. Pinchando sobre o libro, abaixo á dereita, tedes máis información.

Ademais, lembrámosvos que esta lectura deu lugar ao inicio dun foro de debate na aula virtual do centro que se chama "Educando en Igualdade", onde teñen lugar debates ben interesantes. Nos vindeiros días comentaremos neste foro o que máis destacamos da lectura do libro de Gemma Lienas, isto axudaranos a preparar a entrevista e daravos a tod@s a posibilidade de coñecer máis sobre a autora e a súa obra.