Contacta connosco no mail bibliotecatrazo@yahoo.es



martes, 19 de febreiro de 2019

Primeira parte de “Has de cantar...”, de Cantares gallegos, na voz de Leticia Añón Guerra (3º ESO)




Primeira parte de “Has de cantar...”, de Cantares gallegos, na voz de Leticia Añón Guerra (3º ESO). CPI Viaño Pequeno (Trazo). Día de Rosalía de Castro 2019. #LibreOMeuPensamento_rdc_19 @aelg @CasadeRosalia

[Has de cantar ...]

I
"Has de cantar,
meñina gaiteira;
has de cantar,
que me morro de pena.

Canta, meniña,
na beira da fonte;
canta, dareiche
boliños do pote.

Canta meniña,
con brando compás;
dareiche unha proia
da pedra do lar.

Papiñas con leite
tamén che darei;
sopiñas con viño,
torreixas con mel.

Patacas asadas
con sal e vinagre,
que saben a noces.
¡Que ricas que saben!

¡Que feira, rapaza,
si cantas faremos…!
Festiña por fóra,
festiña por dentro.

Canta, si queres,
rapaza do demo;
canta, si queres;
dareiche un mantelo.

Canta, si queres,
na lengua que eu falo.
Dareiche un mantelo.
Dareiche un refaixo.

Co son da gaitiña,
co son da pandeira,
che pido que cantes,
rapaza morena.

Co son da gaitiña,
co son do tambor,
che pido que cantes,
meniña, por Dios."

Ningún comentario: