POLA IGUALDADE DE XÉNERO

Presentamos hoxe a primeira actividade que propoñemos para todo o alumnado da ESO.
O vindeiro día 25 celebrarase o día internacional contra a violencia de xénero, e como sabemos que unha das causas que levan á violencia é a educación en desigualdade, apostamos por darlle a volta e promover a igualdade. Imos cambiarlle o final aos contos que nos levan contando toda a vida, para actualizalos aos novos tempos e as novas demandas da sociedade.

Aquí vos deixo a convocatoria. Xa vos contaremos como responde o personal :)

CONCURSO

“ VELLOS CONTOS,

NOVOS FINAIS”

Nos contos clásicos as rapazas son "débiles, torpes, fráxiles, sumisas e, por suposto, todas guapísimas, e o seu único obxectivo parece ser namorar ao rapaz. Ah! E nunca toman a iniciativa. Os mozos son fortes, ricos, guapos, e moi valentes, case poderiamos dicir que nunca teñen medo de nada. E se o teñen, non deben dicilo xamais. Ah! E deben facerse cargo da súa amada e comprometérense a protexela e coidala para sempre.

¿E que os mozos non se namoran das mozas fortes, divertidas e intelixentes?

¿E que as mozas non se namoran de mozos menos guapos e ricos, e que sexan capaces de amosar o que verdadeiramente senten?

• Como participar? Debes rescribir un conto clásico pero adaptando os personaxes aos tempos actuais. Por que Carrapuchiña non pode enfrontarse ao lobo? Por que o príncipe de Cenicienta, en vez de príncipe, non pode ser un rapaz normal que busca traballo e proponlle deixar aquela horrible casa e montar a medias un negocio?

Podes ver algúns contos clásicos AQUÍ EN:

http://personales.mundivia.es/llera/cuentos/cuentos.htm

Podes ver algúns exemplos de vellos contos con novos finais AQUÍ EN:

http://www.youtube.com/watch?v=hb_apQ4njcY

http://www.youtube.com/watch?v=uYSQZ68pOVk

• Cando participar? Debes apuntarte na biblioteca antes do venres 12, e entregar o teu conto antes do luns 22
• Onde me apunto? Na biblioteca
• Hai premios? Por suposto, para tod@s @s participantes, e tamén para @s gañador@s
• En galego ou en castelán? Na lingua que ti queiras. Iso si, limpo e sen faltas
• Tes algunha dúbida? Pásate pola biblioteca e pregunta